رابطہ عالم اسلامی کی جانب سے وفاقی جمہوریہ نائیجیریا کے قصبے ”وورو“میں دہشت گردحملے کی شدید مذمت

رابطہ عالم اسلامی کی جانب سے وفاقی جمہوریہ نائیجیریا کے قصبے ”وورو“میں دہشت گردحملے کی شدید مذمت

مکہ مکرمہ:

رابطہ عالم اسلامی نے وفاقی جمہوریہ نائیجیریا کے قصبے”وورو“ کے رہائشیوں کو نشانہ بنانے والے دہشت گرد حملے کی سخت ترین الفاظ میں مذمت کی ہے، جس کے نتیجے میں قیمتی جانوں کا نقصان ہوا  ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی  نے اس دردناک واقعے پر وفاقی جمہوریہ نائیجیریا کے ساتھ مکمل یکجہتی کا اظہار  کرتے ہوئے  اس کی سلامتی، استحکام اور عوامی تحفظ کو خطرے میں ڈالنے والے ہر اقدام کے خلاف تعاون کا اعادہ کیا۔ انہوں نے تشدد اور دہشت گردی کی تمام صورتوں اور حیلوں بہانوں کو مسترد کرنے اور ان کی مذمت کرنے کے رابطہ کے پختہ موقف کو دہرایا۔
ڈاکٹر العیسی نے جمہوریہ نائیجیریا اور جاں بحق ہونے والوں کے لواحقین سے دلی تعزیت کا اظہار کیا اور باری تعالیٰ سے دعا کی کہ وہ مرحومین کو اپنی وسیع رحمتوں میں جگہ عطا فرمائے اور زخمیوں کو جلد اور کامل شفا نصیب فرمائے۔