رابطہ عالم اسلامی کی جانب سے اسلام آباد میں ایک مسجد پر دہشت گرد حملے کی شدید مذمت

رابطہ عالم اسلامی کی جانب سے اسلام آباد میں ایک مسجد پر دہشت گرد حملے کی شدید مذمت
مکہ مکرمہ:

رابطہ عالم اسلامی نے اسلامی جمہوریہ پاکستان کے دارالحکومت ”اسلام آباد “ میں ایک مسجد کو نشانہ بنانے والے دہشت گرد دھماکے کی سخت ترین الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد بن عبد الکریم العیسی نے اس مجرمانہ دہشت گرد کاروائی کی   شدید مذمت کرتے ہوئے کہا کہ اس کے مرتکبین دین اور انسانیت کی تمام اقدار سے عاری ہیں، جنہوں نے نہ انسانی جان کی حرمت کا لحاظ رکھا، نہ عبادت گاہ کے تقدس کو ملحوظِ خاطر رکھا۔ انہوں نے ایک بار پھر تشدد اور دہشت گردی کی تمام صورتوں اور حیلوں بہانوں کو مسترد کرنے اور ان کی مذمت کرنے کے رابطہ کے دوٹوک موقف کا اعادہ کیا۔ نیز، انہوں نے اسلامی جمہوریہ پاکستان كے ساتھ مکمل یکجہتی کااظہار کرتے ہوئے کہاکہ رابطہ پاکستان  کے امن، استحکام اور عوام کی سلامتی  کو لاحق ہر خطرے کے مقابلے میں اس کے ساتھ کھڑی ہے ۔
ڈاکٹر العیسی  نے جاں بحق ہونے والوں کے لواحقین اور تمام پاکستانی عوام سے دلی تعزیت اور ہمدردی کا اظہار کیا۔ انہوں نے باری تعالیٰ سے دعا کی کہ وہ مرحومین کو  اپنی جوارِ رحمت میں جگہ عطا فرمائے اور زخمیوں کو جلد صحت یاب فرمائے ۔