ڈاکٹر العیسی نے روانڈا کی مرکزی جامع مسجد میں خطبۂ جمعہ دیا اور نماز کی امامت فرمائی کیگالی:

معاصر اسلامی موضوعات پر گفتگو اور ماہِ رمضان کی آمد پر مبارک باد

ڈاکٹر  العیسی نے روانڈا کی مرکزی جامع مسجد  میں خطبۂ جمعہ دیا اور نماز کی امامت فرمائی
کیگالی:

رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے جمہوریہ  روانڈا کے دارالحکومت ”کیگالی“ میں جمعۃ المبارک کے اجتماع سے خطاب اور نمازِ جمعہ کی امامت فرمائی۔ اس موقع پر آپ نے عصرِ حاضر کو درپیش متعدد اسلامی موضوعات پر گفتگو کی اور ماہِ رمضان المبارک کی آمد پر مبارکباد پیش کی۔

خطبے میں اُن اسلامی اقدار کا جامع تذکرہ کیا گیا جن کی بنیاد پر ایک مسلمان تمام انسانوں کے ساتھ معاملہ کرتا ہے، اور واضح کیا گیا کہ یہی وہ مکارمِ اخلاق ہیں جن کی تکمیل کے لیے اللہ تعالیٰ نے ہمارے نبی کریم حضرت محمد ﷺ کو مبعوث فرمایا۔