رابطہ عالم اسلامی کی جانب سے چاڈ میں فوجی اڈے پر دہشت گرد حملے کی شدید مذمت

رابطہ عالم اسلامی کی جانب سے چاڈ میں فوجی اڈے پر دہشت گرد حملے کی شدید مذمت

مکہ مکرمہ:

رابطہ عالم اسلامی نے جمہوریہ چاڈ میں ایک فوجی اڈے پر دہشت گرد حملے کی سخت ترین الفاظ میں مذمت کی ہے۔

رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے جمہوریہ چاڈ کے ساتھ مکمل یکجہتی کا اظہار کرتے ہوئے کہا کہ رابطہ ہر اُس خطرے کے مقابلے میں چاڈ کے ساتھ کھڑی ہے جو اس کے امن، استحکام اور عوام کی سلامتی کو متاثر کرے۔انہوں نے ایک بار پھر اس امر پر زور دیا کہ رابطہ عالم اسلامی ہر قسم کے تشدد اور دہشت گردی کو،خواہ وہ کسی بھی شکل میں ہو یا کسی بھی جواز کے تحت ہو،قطعی طور پر مسترد اور قابلِ مذمت سمجھتی ہے۔

ڈاکٹر العیسی نے جاں بحق افراد کے اہلِ خانہ اور پوری چاڈی قوم سے دلی تعزیت کا اظہار کرتے ہوئے زخمیوں کے لیے جلد صحت یابی کی دعا کی۔