رابطہ عالم اسلامی کی جانب سے امریکہ اور ایران کے درمیان معاہدے کا خیرمقدم
مکہ مکرمہ:
رابطہ عالم اسلامی نے ریاستہائے متحدہ امریکہ اور اسلامی جمہوریہ ایران کے درمیان جنگ بندی کے معاہدے تک پہنچنے کا خیرمقدم کیا ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے اس بات پر زور دیا کہ خطے میں امن واستحکام کے قیام، ممالک کے مفادات، خودمختاری اور عوام کی سلامتی کے تحفظ کے لیے مذاکراتی عمل کو آگے بڑھاتے ہوئے ایک مستقل اور پائیدار معاہدے تک پہنچنا ناگزیر ہے۔آپ نے اس موقع پر اسلامی جمہوریہ پاکستان کی جانب سے کی جانے والی ثالثی کی کوششوں کو سراہا، اور مملکت سعودی عرب اور ریاستِ قطر کی جانب سے امن کے فروغ اور معاہدے تک رسائی کے لیے کی جانے والی کاوشوں کی بھی تحسین کی۔
