رابطہ عالم اسلامی کی جانب سے اندلس کے مسلم علماء کے تہذیبی اور علمی ورثے کو اجاگر کرنے کے لیے پہلی تقریب کا انعقاد

اقوام متحدہ کے اتحادِ تہذیب کی حمایت اور اس کے اعلیٰ نمائندے کی موجودگی میں:

قرطبہ:

رابطہ عالم اسلامی نے اپنے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی کی موجودگی میں، اندلس میں اسلامی اقتدار کے خاتمے کے بعد اپنی نوعیت کی پہلی تقریب کا انعقاد کیا، جس میں اندلس کے مسلم علماء کے تہذیبی اور علمی اثرات کو اجاگر کیا گیا۔ اس مقصد کے لیے علامہ ابن رشد قرطبی کو بطور نمونہ منتخب کیا گیا، کیونکہ انہیں علمی اعتبار سے مختلف تہذیبوں میں مشترکہ طور پر قدر و منزلت حاصل ہے۔

اس تقریب کو اقوام متحدہ کے اتحادِ تہذیب کی حمایت حاصل رہی، جبکہ اس میں تنظیم کے اعلیٰ نمائندے جناب میگوئل موراتینوس اور قرطبہ شہر کے میئر جناب خوسے ماریا نے شرکت کی۔ اس کے علاوہ متعدد مقامی اور بین الاقوامی اداروں کی بھرپور شرکت بھی دیکھنے میں آئی، جن میں یونیسکو، حکومتِ اندلس، قرطبہ کی علاقائی کونسل اور قرطبہ کی بلدیہ شامل تھیں۔ تقریب میں مقامی اور بین الاقوامی سطح کی ممتاز علمی و فکری شخصیات، مذہبی رہنماؤں اور ماہرینِ تعلیم نے بھی شرکت کی۔