رابطہ عالم اسلامی کی کویت، اردن اور مصر پر ایران کے حملوں کی شدید مذمت
مکہ مکرمہ:
رابطہ عالم اسلامی نے ریاستِ کویت اور مملکتِ اردن پر ایران کی مسلسل جارحانہ کارروائیوں، نیز جمہوریہ مصر کی بندرگاہ دمیاط میں دو جہازوں پر ڈرون حملے کی شدید الفاظ میں مذمت کی ہے۔
رابطہ کے جنرل سیکرٹریٹ سے جاری بیان میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ایک بار پھر ان مجرمانہ حملوں کی شدید مذمت کرتے ہوئے کہا کہ بنیادی ڈھانچے، شہری اور اہم تنصیبات کو نشانہ بنانے والی یہ جارحانہ کارروائیاں دینی اقدار، بین الاقوامی قوانین اور انسانی روایات کی صریح خلاف ورزی ہیں، اور خطے کے امن، استحکام اور عوام کی سلامتی کے لیے سنگین خطرہ ہیں۔
ڈاکٹر العیسی نے ریاستِ کویت، مملکتِ اردن اورجمہوریہ مصر کے ساتھ مکمل یکجہتی کا اظہار کرتے ہوئے اس امر پر زور دیا کہ رابطہ ان ممالک کی جانب سے اپنی سلامتی، خودمختاری، شہریوں اور اپنی سرزمین پر مقیم افراد کے تحفظ کے لیے کیے جانے والے تمام اقدامات کی بھرپور تائید کرتی ہے۔
